Sələf Xəbər


AZƏRBAYCAN XƏBƏRLƏRİ

 Son Xəbərlər

Azərbaycan yeni hərbi təyyarələr alacaq

May 14
16:11 2016

Ukrayna Azərbaycana on yeni “An-178” nəqliyyat təyyarəsi satacaq.

“Sələf Xəbər” ANS PRESS-ə istinadən məlumat verir ki, bu barədə “İnterfaks” agentliyi xəbər yayıb.

Məlumata görə, Ukrayna dövlət müəssisəsi “Antonov” Azərbaycana “An-178” tipli on yeni nəqliyyat təyyarəsi satmağı planlaşdırır. Azərbaycanla yanaşı bu hərbi nəqliyyat təyyarələrindən ikisi də Çinə satılacaq.

Azərbaycana satılması planlaşdırılan nəqliyyat təyyarələrinin çatdırılma müddəti və müqavilənin detalları hələ məlum deyil.

Hərbi nəqliyyata “An-178” təyyarəsi Ukraynanın Antonov şirkəti tərəfindən istehsal edilir. Bu model təyyarələr “Antonov” An-158 hərbi hava gəmisinin əsasında yığılır.

Təyyarənin yükgötürmə qabiliyyəti 18 tondur. Bu təyyarə bazarda “An-12” təyyarəsinin əvəzi kimi tanınır.

2010-cu ildən yığılmağa başlayan təyyarənin qiymətinin 40-70 milyon dollar arasında olduğu deyilir. Bu model İtaliyanın “Aleniya” C-27j, ABŞ-ın “Lockheed Martin” C-130j, Braziliyanın “Embraer” KC-390 və Rusiyanın İl-214 təyyarələrinə rəqibdir.

2015-ci ildə Səudiyyə Ərəbistanı “Antonov” təyyarəsindən 30 ədəd sifariş edib.

Sələf Xəbər: Uca Allah buyurur: “(Düşmənlərə) qarşı bacardığınız qədər qüvvə və döyüş atları hazırlayın ki, bununla Allahın düşmənini, öz düşməninizi və onlardan başqa sizin bilmədiyiniz, lakin Allahın bildiyi kimsələri qorxudasınız”. (Qurani-Kərim, “Ənfal” surəsi, 60-cı ayə)

Digər xəbərlər