Azərbaycanda ilk dəfə ödənişli yol istifadəyə veriləcək – FOTO
809 dəfə baxılıb
Hazırda yollarda torpaq bərkitmə işləri aparılır.
Yeni tikilən Ələt-Astara magistral yolunun gələcəkdə ödənişli olacağı gözlənilir.
“Sələf Xəbər”in “Report”a istinadən məlumatına görə, hazırda bu istiqamətdə çəkilən yolda torpaq bərkitmə işləri aparılır. Torpaq yatağının eni 26,5 metr, ayrıcı zolağı 4 metr olan yol 4 hərəkət zolağından ibarət olacaq. Bu yolun özəlliyi ondan ibarətdir ki, Salyanın girişindən başlayaraq Astara-İran sərhədinə qədər heç bir yaşayış məntəqəsinin içindən keçmir. Yeni yolun tikintisi başa çatdıqdan sonra əvvəlki yoldan fərqli olaraq məsafə təxminən 40 kilometr qısalacaq. Alternativ yol olduğundan yeni magistral yolun gələcəkdə ödənişli olacağı gözlənilir.
“Azəravtoyol” Açıq Səhmdar Cəmiyyətinin (ASC) nəzarəti altında yeni tikilən dövlət əhəmiyyətli yolda son vaxtlar işlər daha da sürətlənib.
Yeni magistral yolda nəzərdə tutulan onlarla yeraltı keçidin, tunelin, sukeçirənin, dairəvi boruların tikintisi də başa çatıb. Körpülərin inşası isə davam etdirilir.
Salyan rayonunun Çuxanlı kəndi ərazisində Kürçayı üzərində 5 il əvvəl inşa edilən və Qafqazda analoqu olmayan körpudə işlər yekunlaşıb. İki gediş, iki gəliş üçün nəzərdə tutulan 5 aşırımlı körpünün ümumi uzunluğu 363 metr, 150 metr asma hissəsi dayaqsız olmaqla kanatlar vasitəsi ilə gərginləşdirilib.
Sələf Xəbər: Uca Allah buyurur: “(Ey insanlar!) Məgər Allahın göylərdə və yerdə olanları (günəşi, ayı, ulduzları və buludları, meyvələri, bitkiləri, dənizləri, çayları və gölləri) sizə ram etdiyini (sizin istifadənizə verdiyini), aşkar (görmə, eşitmə, sağlamlıq) və gizli (əql, şüur, fəhm, elm və i. a.) nemətləri sizə bolluca ehsan etdiyini görmürsünüzmü?” (Qurani-Kərim, “Loğman” surəsi, 20-ci ayə)
