Bakı “Expo-2025”-ə namizəd oldu
May 23
18:00
2017
1. 153 dəfə baxılıb
Azərbaycan, Rusiya, Fransa və Yaponiya “Expo-2025” Dünya universal sərgisinə ev sahibi olmaq üçün namizədliyini irəli sürüb.
Selefxeher.az-ın məlumatına görə, “Oxu.Az” xəbər verir ki, bu barədə fransız KİV-i Beynəlxalq sərgilər bürosuna istinadən məlumat yayıb.
Sərgiyə ev sahibliyi etmək üçün namizədliklərini verən şəhərlər sırasında Paris, Yekaterinburq, Bakı və Osaka yer alır.
Qalib 2018-ci ilin noyabrında Beynəlxalq sərgi bürosunun Baş Assambleyasında 170 iştirakçı ölkənin səsverməsi ilə təyin ediləcək. Hazırda “Expo”nun 2025-ci ilin mayın 2-dən noyabrın 2-nə qədər davam edəcəyi gözlənilir.
“Expo” beş ildə bir dəfə keçirilir. 2015-ci ildə Milanda keçirilib, 2020-2021-ci illərdə sərgi Dubayda keçiriləcək.
