Bu il Azərbaycanda pensiya və maaşlar artırılacaq
1. 356 dəfə baxılıb
Selefxeber.az-ın AzVision.az-a istinadən məlumatına əsasən, bu barədə deputat Vahid Əhmədov deyib. İqtisadçı deputat bildirib ki, pensiyaların və maaşların artırılması dövlət büdcəsində nəzərdə tutulub.
“Cənab prezident Nazirlər Kabinetinin yanvarın 10-da keçirilən iclasında bu məsələyə toxundu. Ölkə başçısı bildirdi ki, maaş və pensiyalar artırılmalıdır. Prezidentin tapşırığı icra olunacaq. Hesab edirəm ki, il ərzində maaş və pensiyaların artırılmasının şahidi olacağıq”.
V.Əhmədov qeyd edib ki, əsasən büdcə təşkilatlarından çalışan insanların maaşı artacaq: “Müəllimlərin, həkimlərin və sosial sahədə çalışanların maaşında artım olacaq”.
Qeyd edək ki, Azərbaycan Prezidenti İlham Əliyev (Allah onu qorusun) yanvarın 10-da Nazirlər Kabinetinin 2016-cı ilin sosial-iqtisadi inkişafının yekunlarına və qarşıda duran vəzifələrə həsr olunan iclasında çıxışı zamanı bildirib ki, 2017-ci ildə də maaş və pensiyaların artımı istiqamətində müsbət dinamika olacaq.
Dövlət başçısı qeyd edib ki, 2016-cı ildə maaşlar 7 faiz, pensiyalar 8 faiz artıb və yenə də artmalıdır: “Hesab edirəm ki, 2017-ci ildə də bu istiqamətdə müsbət dinamika olacaqdır”.
Sələf Xəbər: Peyğəmbər (Allahın ona salavat və salamı olsun) demişdir: “Kim bir möminin dünya kədərlərindən (sıxıntılarından) birini azaldarsa, Allah Təala qiyamət günü onun kədərlərindən (sıxıntılarından) birini azaldar. Kim çətinliyə düşənin işini asanlaşdırarsa, Allah Təala də onun işini dünyada və axirətdə asanlaşdırar. Allah, öz qardaşına kömək edən bəndənin köməyində olar.” (Muslim rəvayət etmişdir: 4\ 2074\ № 2699)
