Düşmənin raketləri hazır vəziyyətdədir – FOTO
862 dəfə baxılıb
Ermənistandan Dağlıq Qarabağa göndərilmiş “Toçka-U” taktiki raket buraxılış sistemləri artıq Füzuli, Cəbrayıl və Ağdərə istiqamətlərində yerləşdirilib.
“Sələf Xəbər” Milli.az-a istinadən bildirir ki, “Toçka-U” sistemləri ilə yanaşı, Ermənistandan Dağlıq Qarabağa 9M79 və 9M79-1 raketləri, 9P129-1M buraxılış qurğuları, 9T128-1 nəqliyyat-doldurma (TZM) maşınları, 9T238 nəqliyyat maşınları, 9V844M texniki qulluq maşını və 9F370-1 arsenal avadanlığı kompleksi də göndərilib.
Belə “yardım”dan ruhlanan Dağlıq Qarabağdakı separatçı rejimin lideri Bako Saakayan Xankəndidəki “İctimai Televiziya”ya verdiyi müsahibəsində ilk dəfə olaraq qarabağlı separatçıların “Toçka-U” raket-buraxılış sistemlərinə malik olduğunu etiraf edib.
“Dağlıq Qarabağdakı “dördgünlük müharibə” zamanı bu raket sistemlərini döyüşə hazır vəziyyətə gətirdik. Azərbaycan ordusu bizə raket-bomba zərbələri endirsəydi, cavab zərbələri vuracaqdıq. Hədəfimiz Azərbaycanın neft kommunikasiyaları idi. Əmr verdim ki, bütün zenit-raket komplekslərini, reaktiv yaylım atəşi sistemlərini, o cümlədən “Toçka-U”ları cəbhə xəttinə çıxarsınlar. Azərbaycan tərəfdən bizə raket zərbələri endirilsəydi, dərhal raketləri buraxacaqdıq”, – Bako Saakyan deyib.
Qarabağlı erməni separatçılar indiyədək “Toçka-U” sistemlərinə malik olmadıqlarını deyirdilər. Lakin “dörgünlük müharibə”dəki məğlubiyyətdən sonra isteriyaya qapılan separatçılar belə raket sistemlərinin döyüşə hazır vəziyyətə gətirildiyini etiraf etməklə Ermənistandakı pərişanlıqla yanaşı, qarabağlı ermənilər arasındakı təlaşı bir qədər səngitməyə çalışıb.
15-120 km məsafədə hədəfləri vura bilən “Toçka-U” taktiki raket komleksinin buraxdığı raketlərin sürəti 300-500 m/saniyə, çəkisi 2010 kiloqramdır. Raket 136 saniyəyə hədəfə çatır.
Ermənistan Dağlıq Qarabağa “Toçka-U” raket-buraxılış sistemləri üçün qəlpə-fuqas başlıqlı 9N123F, kasset 9N123K, qəlpə-fuqas tipli 9N123F-R2 və 9N123F-R3 raketləri də yollayıb.
Bu raketlər arasında ən təhlükəlisi kasset tipli 9M79K (9M79-1K) raketləridir. Həmin raketlərin döyüş başlığında partlayanda ətrafa 316 qəlpə dağıdan, hər biri 7,45 kq olan 50 elementdən ibarət kasetlər var. Belə raketin döyüş başlığının ümumi çəkisi 482 kiloqramdır və kasset döyüş elementlərinin partlayışı zamanı ətrafa 15800 qəlpə səpələnir. Qəlpələr 3,5-7 hektarlıq ərazini “vurur”.
Sələf Xəbər: Uca Allah hələ 1400 il bundan əvvəl bu insanları aşağıdakı kimi təsvir etmişdir: “Onlar sizə qarşı fəsad törətməkdən əl çəkməzlər, sizin sıxıntıya düşməyinizi istəyərlər. Düşmənçilikləri onların ağızlarından (çıxan sözlərdən) bəllidir. Kökslərində gizlətdikləri (düşmənçilik) isə daha böyükdür. Əgər anlayırsınızsa, Biz ayələri artıq sizə bəyan etdik”. (Qurani-Kərim, “Ali İmran” surəsi, 118-ci ayə)
Uca Allahdan torpaqlarımızın alınmasında və bütün işlərdə xalqımıza kömək etməyini və hiyləgər cinayətkarları cəzalandırmağını diləyirik!
