Ön xətdə yerləşən bölmələrdə müdafiənin təşkili yoxlanılıb – FOTO
988 dəfə baxılıb
Düşmənlə təmas xəttində yerləşən hərbi hissələrə davam edən səfəri zamanı Azərbaycan Müdafiə Nazirliyinin rəhbərliyi bilavasitə ön xətdə yerləşən bölmələrdə müdafiənin təşkilini yoxlayıb.
Selefxeber.az-ın Müdafiə Nazirliyinin rəsmi saytına istinadən məlumatına görə, bölmələrdən birində komanda müşahidə məntəqəsinə baş çəkən müdafiə naziri general-polkovnik Zakir Həsənova müasir qurğuların tətbiqi ilə qarşı tərəfi daimi və fasiləsiz müşahidə edən sistemin fəaliyyəti, onun atəş sistemi ilə əlaqəsi, eləcə də istehkam maneələrinin təkmilləşdirilməsi barədə məruzə edilib.
Səngərlərdə döyüş növbəsi çəkən şəxsi heyəti bayram münasibətilə təbrik edən nazir, hərbi qulluqçuların vətənə, xalqa, dövlətə sədaqətlə xidmət etmələrinin müqəddəs borc olduğunu xatırladaraq, onlara işğal edilmiş torpaqlarımızın azad edilməsi uğrunda hər an döyüşə hazır olmalarını bildirib.
