Prezident (Allah onu qorusun) yeni ASAN Mərkəzinin açılışında – FOTO
1. 286 dəfə baxılıb
Dekabrın 28-də Azərbaycan Respublikasının Prezidenti İlham Əliyev (Allah onu qorusun) Bakıda 1 saylı ASAN Kommunal Mərkəzinin açılışında iştirak edib.
Selefxeber.az xəbər verir ki, Prezident Administrasiyasının hüquq-mühafizə orqanları ilə iş şöbəsinin müdiri Fuad Ələsgərov və Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov mərkəzdə yaradılan şərait barədə dövlət başçısına məlumat veriblər.
Prezident İlham Əliyev mərasimdə çıxış edib.
Sonra dövlət başçısı səyyar ASAN qatar ilə tanış olub.
Məlumat verildi ki, səyyar ASAN qatarları ölkəmizdə geniş dəmir yolu şəbəkəsi, mövcud infrastruktur, kommunikasiya xətləri və ən müasir texnologiyalardan istifadə edərək yerlərdə vətəndaşlara xidmət göstərəcək.
Sələf Xəbər: Peyğəmbər (Allahın ona salavat və salamı olsun) demişdir: “Kim bir möminin dünya kədərlərindən (sıxıntılarından) birini azaldarsa, Allah Təala qiyamət günü onun kədərlərindən (sıxıntılarından) birini azaldar. Kim çətinliyə düşənin işini asanlaşdırarsa, Allah Təala də onun işini dünyada və axirətdə asanlaşdırar. Allah, öz qardaşına kömək edən bəndənin köməyində olar.” (Muslim rəvayət etmişdir: 4\ 2074\ № 2699)
