Avropada uçuş zamanı telefonlardan istifadə etməyə icazə verilib
813 dəfə baxılıb
“Sələf Xəbər” utro.ru xəbər saytına istinadən xəbər verir ki, indi uçuş zamanı mobil telefonlar və digər bənzəri cihazlardan istifadə etmək olar. Bu barədə Avropa Aviasiya Təhlükəsizliyi Agentliyi bəyanat yayıb.
Agentlik etiraf edib ki, elektron cihazlar uçuşun təhlükəsizliyi üçün təhdid deyil. Bu vaxta qədər sərnişinlər uçuşdan əvvəl ya telefonları söndürməli, ya da onları mobil şəbəkənin işini dayandıran xüsusi rejimə keçirməli idilər.
Buna baxmayaraq bildirilir ki, hər bir hava yolları şirkəti elektron cihazların öz təyyarələrinin göyərtəsində istifadə olunmasının nə qədər təhlükəsiz olduğunu müstəqil şəkildə dəyərləndirməli və əmin olmalıdır ki, cihazlardan yayılan siqnallar hava gəmisinin sisteminin işinə təsir etmir.
Beləliklə, yeni qaydaların bəzi aviaşirkətlər tərəfindən tətbiq olunması vaxt ala bilər.
