Sələf Xəbər


ELM VƏ TEXNOLOGİYA

 Son Xəbərlər

Bakıda XX-ci Azərbaycan Beynəlxalq səhiyyə sərgisi keçirilir

Sentyabr 26
16:47 2014

“Sələf Xəbər” Səhiyyə Nazirliyinin mətbuat xidmətinin yaydığı məlumata istinadən xəbər verir ki, sentyabrın 25-dən 27-dək Bakı Ekspo Mərkəzində XX Azərbaycan Beynəlxalq səhiyyə sərgisi – “BINE -2014” keçiriləcək. Sərgidə dünyanın 17 ölkəsindən 147 şirkət iştirak edəcək.

Sentyabrın 24-də keçirilən mətbuat konfransında “İteca Caspian LLC” şirkətinin layihə meneceri Elmira Əliyeva bu barədə məlumat verərək deyib: “Yubiley sərgisində Azərbaycan, Belarus, Böyük Britaniya, Almaniya, İtaliya, Rusiya, Ukrayna, Türkiyə, İsveçrə, Çin, ABŞ və başqa ölkələrdən şirkətlər təmsil olunacaqlar.

Sərginin keçirildiyi illər ərzində bu beynəlxalq tədbirdə dünyanın 45 ölkəsindən 2 mindən çox şirkət iştirak edib, çoxsaylı müqavilələr imzalanıb, müştərək müəssisələr yaradılıb, sərgi sayəsində bazara tibbi təyinatlı yeni məhsullar və müasir texnologiyalar çıxarılıb. BINE-yə paralel olaraq daha iki sərgi – IX Azərbaycan Beynəlxalq stomatologiya və VIII Beynəlxalq gözəllik və estetik təbabət sərgiləri təşkil ediləcək.

Sərgi artıq iki ildir ki, Dünya Tibbi Turizm Assosiasiyasının və Türkiyə Tibbi Turizm Assosiasiyasının dəstəyi ilə fəal şəkildə yeni sektoru – tibbi turizmi də inkişaf etdirir. Tədbir çərçivəsində “Tibbi turizm sahəsində yeni istiqamət, marketinq strategiyası və brendinqdir” mövzusunda konfrans, habelə “Mamalıq, ginekologiya və neonatalogiyada müalicə və diaqnostikanın müasir metodları” elmi-praktik konfransı keçiriləcək”.

Onu da qeyd edək ki, sərgilərin təşkilatçıları Azərbaycan Respublikası Səhiyyə Nazirliyinin, Azərbaycan Stomatologiya Assosiasiyasının, Azərbaycanda İxracın və İnvestisiyaların Təşviqi Fondunun (AZPROMO) Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının dəstəyi ilə “İteca Caspian LLC şirkəti və onun tərəfdaşı İTE Group PLC-dir.

Digər xəbərlər