Sələf Xəbər


ELM VƏ TEXNOLOGİYA

 Son Xəbərlər

Ebolaya qarşı vaksin

Yanvar 12
15:14 2015

Ebola virusuna yoluxanların sayı 20 mini ötüb. Xəstəlikdən ölənlərin sayı isə 8 mindən çoxdur.

“Sələf Xəbər”in Publika.az-a istinadən məlumatına görə, bu barədə Ümumdünya Səhiyyə Təşkilatı məlumat yayıb.

Əsasən Qərbi Afrikada yayılan bu virusun qarşısının alınmasında tibb aciz qalıb. Virusla mübarizə məqsədi ilə hazırda iki vaksin təcrübədən keçirilir.

Alimlər Qərbi Afrikada istifadə ediləcək ümidləri ilə vaksinlər üzərində işləyir. Roma yaxınlığındakı laboratoriya farmakologiya şirkəti GlaxoSmithKlinea məxsusdur.

Burada bir neçə komanda vaksinlər üzərində iş apararaq, bir çox həyat təhlükədə olduğu üçün onların yaxın zamanda istifadəyə verilməsinə çalışır.

Noyabr ayında sınaqdan keçirilən vaksinlərdən biri orqanizm tərəfindən normal qəbul edilib, sınaqda iştirak edən 20 könüllünün immun sistemi vaksinə normal reaksiya göstərib.

GlaxoSmithKline şirkətinin bildirdiyinə görə, vaksin anticisimləri artırır və immun sisteminin infeksiyaya məruz qalan hüceyrələri məhv etməsinə yardım edir.

Laboratoriyaya rəhbərlik edən doktor Rikkardo Kortez : “Ebola virusunu təkcə anticisimlərlə nəzarətdə saxlamaq mümkün deyil. Ənənəvi vaksinlər kifayət etmir. Bizim vaksinlər isə immun sisteminin müəyyən bir hissəsinə təsir göstərərək virusa yoluxmuş hüceyrələri tanıyan T hüceyrələrini gücləndirir. İki strategiyanın kombinasiyası Ebolaya qarşı olduqca effektivdir.”

Lakin vaksinlərin ümumi istifadəsi üçün əlavə sınaqlara ehtiyac var.

Digər bir farmakologiya şirkəti olan Merck digər bir vaksini inkişaf etdirir. Kod adı VSV-ZEBOV olan bu vaksinin ötən ay sınaqdan keçirilməsindən sonra inkişafı dayandırılıb. Buna vaksin qəbul edən insanların büküklərində yaranan ağrılar səbəb olub. Hazırda bu vaksinin kiçik dozaları sınaqdan keçirilir.

Qərbi Afrikadakı durum qeyri-adi bir tərəfdaşlığa yol açıb. Bu yaxınlarda Vaşinqtonda təşkil edilən forumda Merck şirkətinin prezidenti Juli Qerberdinq bildirib ki, hətta, rəqib farmakologiya şirkətləri belə fəal əməkdaşlıq edir. “Hazırda qeyri-adi bir tərəfdaşlıq mövcuddur. Bunlardan ən mühümü rəqabətdə olan insanlar arasındakı tərəfdaşlıqdır”.

Ebolaya qarşı artıq bir neçə vaksin kliniki sınaqlardan keçirilir. Bunlardan biri effektiv olsa belə çox iş görülmüş olacaq. Bu, insanların immunizasiyası ilə yanaşı, yoluxma hallarını aradan qaldıracaq. Bu həm də Ebolanın bir daha ortaya çıxmaması demək olacaq.

 Sələf Xəbər: Məhəmməd Peyğəmbər (Allahın ona salavat və salamı olsun) buyurmuşdur: “Allah elə bir xəstəlik göndərməyib ki, onun müalicəsini göndərməsin”. (Buxari)

Digər xəbərlər

ARXİV

Mart 2024
M T W T F S S
« Feb    
 123
45678910
11121314151617
18192021222324
25262728293031