Ən güclü smartfonun adı bəlli oldu
871 dəfə baxılıb
“AnTuTu” şirkəti dünyanın ən güclü smartfonlarının yeni reytinqini təqdim edib.
“Sələf Xəbər”in İKT.lent.az-a istinadən xəbərinə görə, siyahıda birinci yeri sentyabrda rəsmən nümayiş olunan Çinin “Meizu PRO 5” qurğusu tutub.
Sınaqların nəticələrinə görə, smartfon 76852 bal toplayaraq məhsuldarlığı 72156 bal qiymətləndirilən əvvəlki lider “Samsung Galaxy Note 5” modelini qabaqlayıb.
Liderlər beşliyini də Cənubi Koreyanın “Samsung” şirkətinin istehsalı olan “Galaxy S6 edge+”, “Galaxy S6” və “Galaxy S6 edge” smartfonları tamamlayır.
“Meizu PRO 5” reytinqin əvvəlki lideri “Samsung Galaxy Note 5” kimi “Exynos 7420” prosessoru bazasında yaradılıb və eyni operativ yaddaşa (4 giqabayt) malikdir. Daha yüksək məhsuldarlığa nisbətən kiçik təsvir ölçüsünə malik 5,7 düymlük displey sayəsində nail olunur. “Meizu PRO 5” qurğusunun təsvir ölçüsü 1980×1020 piksel (FullHD) təşkil etdiyi halda onun rəqibi 2560×1440 piksel (QuadHD) təsvir ölçülü displeylə təchiz edilib.
