“Google” ucuz smartfon istehsal edəcək
Sentyabr 03
13:19
2014
739 dəfə baxılıb
“ICTnews” elektron xəbər xidməti “hitech.vesti.ru” saytına istinadən bildirir ki, “Google” şirkəti 15 sentyabrda Hindistanda “Android One” təşəbbüsünə dair tədbir keçirəcək. Bu təşəbbüs çərçivəsində inkişaf etməkdə olan bazarlar üçün yüksəkkeyfiyyətli və ucuz smartfonların buraxılması planlaşdırılır.
Mayda “Google I/O” konfransında çıxış etmiş internet şirkətinin vitse-prezidenti Sundar Piçay, “Android One” təşəbbüsünü qısaca təsvir etmişdi. O deyib ki, bu istehsal xəttinə məxsus məhsulların qiyməti 100 dolları ötməyəcək.
“Android One” seriyasına məxsus birinci smartfon Hindistanda çıxarılacaq. Aparat 4,5 düymlük ekran, FM-radio, iki SİM kart dəstəyi və “microSD” yaddaş kartı ilə təchiz ediləcək. Qurğu payızda buraxılacaq.
