Sələf Xəbər


ELM VƏ TEXNOLOGİYA

 Son Xəbərlər

Görmə qüsurlu insanlara ilk ağıllı saat

Avqust 07
16:37 2015

Dünyada 285 milyondan çox görmə qüsurlu insan yaşayır. Onların 95 faizi kitab oxuya bilmir. Lakin ənənəvi kitabların yalnız bir faizi Brayl şrifti ilə olan versiyalarda dərc edilib.

“Sələf Xəbər” AZƏRTAC-a istinadən xəbər verir ki, “Dot” şirkəti görmə qabiliyyəti məhdud insanlara kömək etmək məqsədilə eyniadlı ağıllı saat hazırlayıb. Elektron kitab oxumağa imkan verən qurğunun qiyməti 300 ABŞ dollarından aşağı olacaq ki, bu da onu çoxları üçün əlyetərli edir.

Qurğunun potensial müştərilərinin çox olmasına baxmayaraq, görmə qüsurlu insanların yalnız bəziləri Brayl şriftini öyrənirlər. Böyük Britaniyanın Milli Kral İnstitutunun məlumatına görə, Brayl şrifti ilə pasiyentlərin yalnız bir faizi tanışdır. “Dot” saatının istehsalçıları bu nüansı nəzərə alaraq qurğuya Brayl şriftinin öyrədilməsi sistemini əlavə ediblər.

Bundan başqa, “Dot” ağıllı saatı ismarıc və naviqasiya imkanları, Bluetooth 4.0, zəngli saat kimi bir çox digər standart funksiyaları da özündə cəmləşdirir. Yaxın vaxtlarda ağıllı saat üçün ilk sifarişlərin qəbuluna başlanılacaq.

Sələf Xəbər: Uca Allah buyurur: “(Ey insanlar!) Məgər Allahın göylərdə və yerdə olanları (günəşi, ayı, ulduzları və buludları, meyvələri, bitkiləri, dənizləri, çayları və gölləri) sizə ram etdiyini (sizin istifadənizə verdiyini), aşkar (görmə, eşitmə, sağlamlıq) və gizli (əql, şüur, fəhm, elm və i. a.) nemətləri sizə bolluca ehsan etdiyini görmürsünüzmü?” (Qurani-Kərim, “Loğman” surəsi, 20-ci ayə)

Digər xəbərlər

ARXİV

Mart 2021
M T W T F S S
« Feb    
1234567
891011121314
15161718192021
22232425262728
293031