İnsan sifətini müəyyənləşdirən sistem hazırlanıb
847 dəfə baxılıb
“Sələf Xəbər” mincom.gov.az-ın məlumatına əsasən bildirir ki, Çin alimləri tərəfindən lazımi adamı insan axınında 91 müxtəlif rakursdan 99,8 faiz dəqiqliklə müəyyən edən sifətin tanınması sistemi hazırlanıb.
Proqram identik əkizlər arasında fərqi tapa, qrimlənmiş üzləri tanıya, eləcə də qalın geyimə bürünmüş adamı identifikasiya edə bilir. Bu barədə Çin Akademiyasının tədqiqatçısı Çjou Si məlumat verib.
Ç.Sinin sözlərinə görə, alimlər tərəfindən hazırlanan sistem artıq növbəti ildə planşetlər üçün əlavə şəklində satışa çıxarılacaq. Tədqiqatçı qeyd edib ki, texnologiya təkcə üzü 100 faizlik dəqiqliklə tanımır, həm də bunu çox tez edir.
Hazırda yalnız Çində istifadə olunan texnologiya artıq Karnegi-Mellon Universitetinin dünya standartları reytinqində liderdir. Qeyd edək ki, sifətin dəqiqliklə tanınmasında əvvəlki rekord 97,6 faiz səviyyəsində olub.
Proqram İllinoys Universiteti və Sinqapur Milli Universitetinin dəstəyi ilə 50 milyon çinlinin sifətinin yer aldığı məlumat bazasında yararlanıb.
