Mobil cihazlar Wi-Fi vasitəsilə enerji alacaq
Noyabr 28
18:48
2015
726 dəfə baxılıb
Vaşinqton Universitetinin alimləri Wi-Fi-ın köməyi ilə mobil cihazları enerji ilə təchiz etməyə imkan verəcək “Power Over Wi-Fi” texnologiyasını yaradıblar.
“Sələf Xəbər” İKT.az-a istinadən bildirir ki, bu texnologiya “Jawbone” fitnes bilərziyini 2,5 saat ərzində 41%-dək enerji ilə təchiz edə bilir. Qeyd edək ki, cihaz siqnal mənbəyindən 8,5 metr məsafədə yerləşib.
Sözügedən texnologiyanın əsas özəlliyi ondadır ki, eyni vaxtda həm cihazı enerji ilə təchiz etmək, həm də Wi-Fi şəbəkəsindən istifadə etmək mümkün olacaq. Mütəxəssislər bildirirlər ki, hazırda belə texnologiya aşağı sərfiyyatlı qurğuları enerji ilə doldurmaq gücündədir.
