Ölkəmizdə informasiya təhlükəsizliyi üzrə elektron xidmətləri işə salınıb
770 dəfə baxılıb
Azərbaycan Xüsusi Dövlət Mühafizə Xidmətinin Xüsusi Rabitə və İnformasiya Təhlükəsizliyi Dövlət Agentliyinin Kompyuter insidentlərinə qarşı mübarizə Mərkəzi (CERT) “Yoluxmuş IP” xidmətini işə salıb.
“Sələf Xəbər” Trend-ə istinadən məlumat verir ki, bu barədə CERT-dən deyiblər.
Mərkəzdən bildiriblər ki, yeni xidmət yoluxmuş IP ünvanların məlumat bazasında istifadəçiyə IP ünvanını yoxlamaq imkanı verir.
Bu xidmətdən yalnız Azərbaycan istifadəçiləri yararlana bilərlər. IP ünvanın yoluxduğu məlum olarsa, müvafiq xəbərdarlıq avtomatik olaraq ekranda göstərilir. Bildirişdə zərərli kodun aktivliyi barədə ətraflı məlumat əks olunacaq.
CERT-in təqdim etdiyi bəzi xidmətlər (“Şifrlərin onlayn generator”, “Parolun təhlükəsizliyi”, “Mənim IP ünvanım” və yeni “Yoluxmuş IP” kimi) hazırda fəaldır.
CERT informasiya təhlükəsizliyi üzrə daha iki onlayn xidməti – “Malware Lab” və “Virtual test” – işə salmağa hazırlaşır.
