“Skayp”da yeni virus – danışıqlar dinlənilir
892 dəfə baxılıb
“T9000” adlanan yeni virus “Skayp” istifadəçilərinin danışıqları və şəxsi məlumatlarını yazır.
İlk dəfə virus haqqında məlumatı “Palo Alto Networks” şirkətinin ekspertləri yayıblar. Bu zərərli proqramı hətta “Kaspersky”, “Norton”, “AVG” və digər məşhur antiviruslar da aşkarlaya bilmir.
“Bu virusun ilkin funksiyası istifadəçi haqqında məlumat yığmaqdır”, – deyə “Palo Alto” eksperti bildirib.
“Sələf Xəbər” Atv.az-a istinadən bildirir ki, kompyuterlər Rich Text Format (RTF) formatında faylların işə salınması ilə bu virusa yoluxur. Bundan sonra troyan çoxpilləli quraşdırma prosesini işə salır ki, bu da hər addımda anti-virus proqram təminatının olub – olmamasını yoxlayır.
Tam yoxlamadan sonra virus yoluxmuş sistemdən məlumatları toplayıb və hakerin serverinə göndərir.
“Skayp”da yeni virus haqqında məlumat və onun potensial təhlükələri araşdırılır.
