Smartfonun sınmış ekranı öz-özünə bərpa olunacaq
741 dəfə baxılıb
Böyük britaniyalı kimyaçılar zaman keçdikcə bərpa olunmaq qabiliyyətinə malik yeni material ixtira ediblər. İlk öncə təyyarənin qanadlarının təmiri üçün hazırlanmış innovasiyalı texnologiya, demək olar, istənilən səthin bərpasına imkan verəcək.
“Sələf Xəbər”in Fins.az-a istinadən verdiyi xəbərə görə, yeni texnologiyanı Dunkan Vassın rəhbərliyi altında Bristol Universitetində işləyən tədqiqatçılar hazırlayıb. Alim bildirib ki, onun komandası insan dərisinin sağalmaq qabiliyyətindən ilhamlanıb.
Məlumat üçün bildirək ki, elektronika istehsalçıları artıq bir neçə ildir özü bərpa olunan materiallar üzərində təcrübə aparırlar.
Sələf Xəbər: Uca Allah buyurur: “(Ey insanlar!) Məgər Allahın göylərdə və yerdə olanları (günəşi, ayı, ulduzları və buludları, meyvələri, bitkiləri, dənizləri, çayları və gölləri) sizə ram etdiyini (sizin istifadənizə verdiyini), aşkar (görmə, eşitmə, sağlamlıq) və gizli (əql, şüur, fəhm, elm və i. a.) nemətləri sizə bolluca ehsan etdiyini görmürsünüzmü?” (Qurani-Kərim, “Loğman” surəsi, 20-ci ayə)
