Telefonlar yosundan enerji yığacaq
689 dəfə baxılıb
Kanadalı alimlər göy-yaşıl rəngli yosunlardan elektrik enerjisinin əldə olunması texnologiyasını işləyib hazırlayıb. Texnologiyanın səmərəliliyi üzrə ilk sınaqlar mobil telefon və kompüterlər üzərində aparılacaq.
“Sələf Xəbər” “Qafqazinfo”ya istinadən xəbər verir ki, göy-yaşıl yosunlar fotosintez prosesində oksigenin ayrılması ilə müşayiət olunan böyük qram mənfi bakteriyalar tipidir. Bu yosunlar ekoloji çirklənmənin nəticəsində formalaşır və su hövzəsini yararsız hala gətirir.
Proses nəticəsində ayrılan enerjini toplayan yeni texnologiya Konkordiya Universitetinin mühəndisləri tərəfindən təklif edilib.
Mühəndislər tərəfindən yaradılmış qurğu anod və katoddan ibarətdir. Göy-yaşıl yosunlar anod kamerasına yerləşdirilir. İlk mərhələdə 933 millivolt gərginlik generasiya edilib. Təkmilləşdirmələrdən sonra noutbuk və smartfon kimi qurğuları enerji ilə doldurmaq mümkün olacaq.
Sələf Xəbər: Uca Allah buyurur: “(Ey insanlar!) Məgər Allahın göylərdə və yerdə olanları (günəşi, ayı, ulduzları və buludları, meyvələri, bitkiləri, dənizləri, çayları və gölləri) sizə ram etdiyini (sizin istifadənizə verdiyini), aşkar (görmə, eşitmə, sağlamlıq) və gizli (əql, şüur, fəhm, elm və i. a.) nemətləri sizə bolluca ehsan etdiyini görmürsünüzmü?” (Qurani-Kərim, “Loğman” surəsi, 20-ci ayə)
