Sələf Xəbər


ELM VƏ TEXNOLOGİYA

 Son Xəbərlər

ÜST: Dünyada 42 milyon uşaq piylənmədən əziyyət çəkir

Yanvar 31
19:29 2015

İldə, təqribən, 4,3 milyon ölüm faktı məişət şəraiti – otaqlarda havanın çirklənməsi, 3,7 milyon ölüm faktı isə açıq havanın çirklənməsi ilə bağlıdır. Cenevrədə Ümumdünya Səhiyyə Təşkilatının İcraiyyə Komitəsinin 136-cı sessiyası öz işinə başlayıb.

“Sələf Xəbər”in APA-ya istinadən verdiyi xəbərə görə, Səhiyyə Nazirliyindən bildirilir ki, sessiyada Azərbaycanın Səhiyyə Naziri Oqtay Şirəliyev də iştirak edir.

Tədbirin gündəliyinə ÜST islahatları, Avropa Sağlamlığı 2020 konsepsiyasının təqdimatı, qeyri-infeksion xəstəliklərə qarşı mübarizə tədbirləri, Avropa səhiyyəsində prioritetlər, Avropada ÜST ofislərində kadr islahatları, beynəlxalq təşkilatlarla əməkdaşlıq, anaların, südəmər və azyaşlı uşaqların qidalanması, zorakılıq və onun sağlamlıq üçün nəticələri daxil edilib. Sessiyada bir sıra sənədlər ətraf mühitin insanın əhval-ruhiyyəsinə təsirinə həsr edilib.

Baxılması üçün iclas iştirakçılarına təqdim olunan məruzələrdən birində havanın çirklənməsi ilə sağlamlıq arasındakı əlaqə barədə informasiya yer alıb, xoşagəlməz nəticələrin yumşaldılması strategiyası təsvir olunub. ÜST ekspertlərinin hesablamalarına görə, dünyada xəstəlik və ölüm halları səbəblərindən biri havanın çirklənməsidir. İldə təqribən 4,3 milyon ölüm faktı məişət şəraiti – otaqlarda havanın çirklənməsi, 3,7 milyon ölüm faktı isə açıq havanın çirklənməsi ilə bağladır.

Sessiyanın daha bir sənədində körpələr, uşaqlar və yeniyetmələr arasında yayılmış piylənmə problemi əks olunub. Piylənmədən əziyyət çəkən uşaqların sayı dünya üzrə artaraq, 1990-cı ildə 31 milyon nəfərdən 2014-cü ildə 42 milyon nəfərə çatıb. Ekspertlər bildirirlər ki, uşaqlar arasında piylənmə təhlükəli xəstəliklərin, o cümlədən diabet və ürək xəstəliklərinin vaxtından əvvəl inkişafına səbəb olur.

ÜST-nin İcraiyyə Komitəsinin sessiyası fevralın 3-dək davam edəcək. Sessiya iştirakçıları ana və uşaq ölümü problemini, vaksinasiya, habelə qlobal miqyasda epilepsiya və uşaqlar arasında piylənmə məsələlərini müzakirə edəcəklər. ÜST-nin İcraiyyə Komitəsinə qurumun üzvü olan ölkələrin 34 eksperti daxildir. Onlar 3 il müddətinə seçilir. İcraiyyə Komitəsinin əsas funksiyaları Ümumdünya Səhiyyə Assambleyasının qərarlarının işlənib hazırlanması və yerinə yetirilməsidir. Sessiyada may ayına nəzərdə tutulan ÜST Assambleyasının gündəliyi razılaşdırılacaq.

 Sələf Xəbər: Peyğəmbər (Allahın ona salavat və salamı olsun) buyurmuşdur: “Ey Allahın qulları, müalicə olunun! Allah bir xəstəlik göndərmişsə, şübhəsiz, arxasınca müalicə yolunu da göstərmişdir. Bircə xəstəliyin müalicəsi yoxdur, o da qocalıqdır”. (Əbu Davud, Tibb 1; Tirmizi, Tibb 2; İbn Macə, Tibb 1)

Digər xəbərlər

ARXİV

Oktyabr 2020
M T W T F S S
« Feb    
 1234
567891011
12131415161718
19202122232425
262728293031