“WhatsApp” istifadəçilərini necə təhlükə gözləyir?
Sentyabr 22
15:43
2015
784 dəfə baxılıb
900 milyon üzvü ilə dünyanın ən fəal mesajlaşma proqramı olan “WhatsApp” istifadəçiləri böyük bir təhlükə ilə qarşı- qarşıyadır.
“Sələf Xəbər”in Modern.az-a istinadən xəbərinə görə, bu təhlükənin əsas hədəfi Android telefonlarıdır. Belə ki, “WhatsApp”-a bilinməyən nömrədən “hədiyyə qazandınız” şəklində spam mesajlar gəlir. Mütəxəssislər istifadəçiləri bu cür mesajlarla göndərilən linklərə daxil olmamağa çağırır. Çünki, xakerlər bilinməyən nömrədən daxil olan bu mesajlardakı linkləri açanların telefonunu ələ keçirir və cihazı istifadəsiz hala salır.
Təhlükəsizlik mütəxəssisləri bu cür hücumdan ən az ziyanla yaxa qurtarmaq üçün belə mesajların o dəqiqə silinməsini və telefon nömrəsinin əngəllənməsini məsləhət görür.
