“WhatsApp”da bir yenilik və bir təhlükə
930 dəfə baxılıb
“WhatsApp” ilin əvvəlində təqdim etdiyi Web versiyasını artıq iPhonelara da tətbiq edib.
“Sələf Xəbər” ATV.az-a istinadən bildirir ki, iPhone smartfonu üçün “WhatsApp” hələ ki, Azərbaycanda aktiv deyil. “WhatsApp” Webdən istifadə etmək üçün “WhatsApp” proqramında tənzimləmələr bölməsinə daxil olursunuz. Daha sonra kompyuterinizdə “WhatsAppWeb” saytında tənzimləmələr bölməsində “WhatsApp” Webi seçərək kompyuterinizdə olan QR kodu kameranın köməyi ilə oxudursunuz.
Eyni zamanda “Whatsapp”da yeni virus peyda olub.
Xəzərxəbərin məlumatına görə, “Whatsapp” ekran görüntüləri və Smayllar yenilənməsi” adı altında gələn mesajların üzərinə klik edən istifadəçilərin “Whatsapp” hesabları həmin virusa yoluxur.
Sürətlə yayılan virusun qarşısının alınması üçün “Whatsapp” istifadəçiləri diqqətli olmalıdırlar.
Qeyd edək ki, son vaxtlar sözügedən şəbəkədə bir neçə oxşar virus növləri yayılıb.
