Yaponiya “5G” istifadə edəcək ilk ölkə olacaq
Avqust 19
14:47
2014
830 dəfə baxılıb
Rabitə və Yüksək Texnologiyalar Nazirliyinin rəsmi saytı “The Yomiuri Shimbun” nəşrinə istinadən yazır ki, Yaponiya Daxili İşlər və Rabitə nazirlikləri 2020-ci ilədək “5G” rabitə standartını hazırlamaq və istifadəyə vermək niyyətindədir.
Nazirlik planını 2020-ci ildə Tokioda keçiriləcək Yay Olimpiya Oyunları ərəfəsində həyata keçirməyi nəzərdə tutur. Bildirilir ki, elmi işlərə çəkiləcək bütün xərclər 2015-ci il maliyyə büdcəsinə daxil ediləcək.
Cari ilin sonunadək Yaponiya Daxili İşlər və Rabitə nazirlikləri, həmçinin ölkənin aparıcı telekommunikasiya şirkətləri, mobil operatorlar və elektronika istehsalçılarının nümayəndələrinin daxil olacağı xüsusi şura yaratmağı planlaşdırır, “İTAR-TASS” yazır.
