Sələf Xəbər


ELM VƏ TEXNOLOGİYA

 Son Xəbərlər

Yaponiyada dördmetrlik “3D” formatlı printer yaradılıb – FOTO

İyul 16
13:16 2014

Azərbaycan Respublikası Rabitə və Yüksək Texnologiyalar Nazirliyinin məlumatına görə, Yaponiyanın “Genkei” şirkəti dünyanın ən böyük “3D” formatlı printerlərindən birini yaradıb. Printerin hündürlüyü 4 metr təşkil edir ki, bu da onu orta statistik insanın boyundan iki dəfə hündür edir. “3D” printer qeyri-adi olmaqla delta “3D” printerlər sinfinə aiddir.

Delta “3D” printerlər konstruksiyasına görə fərqlənən “3D” printerlərdir. Adətən burada xüsusi şarnirlərdə konstruksiyanın bünövrəsinə bərkidilən üç istiqamətləndirici əldən istifadə olunur. Maraqlıdır ki, “3D” printerlər texniki xüsusiyyətlərinə görə delta robotların daha təkmil texnoloji versiyalardır. Belə robotlardan adətən yüksək məhsuldarlığın tələb olunduğu qablaşdırma, çeşidləmə, tibbi və əczaçılıq sənayesində tətbiq olunur.

“Genkei” “3D” printeri Tokio Dizayn və İncəsənət Universiteti ilə birlikdə ərsəyə gətirib. Printerin Tokio Milli Universitetinin təsviri incəsənət və musiqi muzeyində nümayiş olunması planlaşdırılır.

Qeyd etmək lazımdır ki, belə printerlər müəyyən çatışmazlıqlara da malikdir. Birincisi, dəqiqlik zəifdir, ikincisi – üçölçülü çap prosesini dərhal başlaya bilən adi “3D” printerlərdən fərqli olaraq delta “3D” printerə üçölçülü çap prosesinə başlamaq üçün 3-5 gün vaxt lazımdır.

Lakin “3D” printerin innovativliyi ölçüsündən daha çox onun çap sistemindədir. “Genkei” şirkətinə məxsus sistem qızdırılmış plastik tellərdən istifadə etmək əvəzinə, toz prosesindən istifadə edir ki, bu da ona adi “3D” printerlərlə müqayisədə daha çox çap səthini əhatə etməyə imkan verir, – “Hi-Tech News” yazır.

📷

sx-news-157a

Digər xəbərlər

ARXİV

Dekabr 2019
M T W T F S S
« Feb    
 1
2345678
9101112131415
16171819202122
23242526272829
3031