Sələf Xəbər


ELM VƏ TEXNOLOGİYA

 Son Xəbərlər

Yer kürəsinə ən yaxın və yaşayış üçün yararlı planet kəşf edilib

Dekabr 18
19:07 2015

Avstraliyanın Yeni Cənub Uels universitetinin alimləri Yer kürəsinə ən yaxın yaşayış üçün potensialı olan planeti aşkar ediblər. Gizli planet Günəş sisteminə aid deyil və Yerdən, təxminən 14 işıq ili məsafəsində yerləşir.

“Sələf Xəbər” Oxu.Az-a istinadən xəbər verir ki, Tinni qrupunun elmi məqaləsi “Astrophysical Journal Letters” nəşrində dərc edilib.

Çəkisi Yerin çəkisindən 4 dəfə çox olan planet, “Wolf 1016” adlı qırmızı сırtdanın ətrafında fırlanan üç planetdən biridir.

“Bu son dərəcə maraqlı kəşfdir: hər üç planetin çəkisi kifayət qədər azdır, bu səbəbdən ehtimal var ki, onların bərk səthləri var. “Wolf 1061c” adlı orta planet, “yaşayış zonası” adlanan yerdə yerləşir. Yəni bu planetdə suyun maye şəklində qalması üçün lazımi şərait var. Burada, hətta həyat da mövcud ola bilər. Maraqlıdır ki, bu planetin valideyn ulduzu bizə çox yaxındır, demək olar ki qonşuyuq. Yəqin ki, biz bu planetdə həyatın inkişafını müşahidə edə biləcəyik”, – deyə tədqiqatların rəhbəri Dunkan Rayt bildirib.

Baxmayaraq ki, bundan əvvəl valideyn ulduzları Günəş sisteminə daha yaxın olan planetlər aşkar edilib, onlar müşahidə üçün əlverişsiz sayılır.

Avstraliyalı alimlər tərəfindən kəşf edilən üç planet nisbətən kiçik və sabit ulduz ətrafında 5, 18 və 67 gün ərzində dövrə vururlar. Onların çəkiləri, təxminən 1,4 4,3 və 5,2 dəfə Yerin çəkisindən çoxdur.

“Yaşayış zonası”nın sərhədində yerləşən planet də bərk səthə malikdir, lakin burada həyat üçün lazımi istilik yoxdur. Eyni zamanda, digər planet öz ulduzuna çox yaxındır və bu səbəbdən bu dünya da həyat üçün yararsızdır.

Qeyd edək ki, alimlər planetləri Çilidə La-Silyada rəsədxanasında 3,6 metrlik teleskopda HARPS spektroqrafı vasitəsi ilə ulduz sisteminin müşahidəsi zamanı kəşf ediblər.

Tədqiqatçılar bildiriblər ki, planetin Yer kürəsinə yaxın olması burada atmosferin tərkibini öyrənməyə yardımçı olacaq. Bu isə, öz növbəsində, onun həyat üçün yararlı olub-olmamasını müəyyən etməyə kömək edəcək.

Sələf Xəbər: Uca Allah buyurur: “Yeddi göyü təbəqələr şəklində quran Odur. Sən Mərhəmətli (Allahın) yaratdığında qətiyyən bir uyuşmazlıq tapmazsan. Bir başını qaldırıb (göyə )diqqət yetir, heç onda bir çat görürsənmi? Sonra göz gəzdirib təkrar bax. Göz zəlil və yorğun halda özünə tərəf dönəcəkdir”. (Qurani-Kərim, “Mülk” surəsi, 3,4-cü ayələr)

Digər xəbərlər

ARXİV

Aprel 2021
M T W T F S S
« Feb    
 1234
567891011
12131415161718
19202122232425
2627282930