Sələf Xəbər


İQTİSADİYYAT VƏ MALİYYƏ

 Son Xəbərlər

Azərbaycan Gürcüstandan avtomobil idxalını 20 faizdən çox azaldıb

İyul 07
10:30 2014

Trend-ə Gürcüstan Milli Statistika Xidmətindən bildiriblər ki, 2014-cü ilin yanvar-may aylarında Gürcüstandan Azərbaycana 121,7 milyon dollar dəyərində 10,93 min minik avtomobili ixrac olunub.

Xidmətin məlumatına görə, qeyd edilən dövrdə bu sahənin xüsusi çəkisi Gürcüstandan Azərbaycana ümumi ixracın həcminin 50,62 faizini təşkil edib.

Ötən ilin analoji dövrü ilə müqayisədə Gürcüstandan ixrac olunan minik avtomobillərinin həcmi 20,15 faiz, say nisbətində isə 4,93 min ədəd azalıb. Müqayisə üçün bildirək ki, 2013-cü ilin yanvar-may aylarında Gürcüstandan Azərbaycana 152,41 milyon dollar həcmində 15,86 min avtomobil ixrac edilib.

Ölkəyə avtomobil idxalının azalması Azərbaycanın tətbiqinə cari ilin aprel ayının 1-dən başladığı Avro-4 ekoloji standartına keçidi ilə izah edilir. Avro-4-ün tətbiqi Gürcüstandan Azərbaycana idxal olunan nəqliyyat vasitələrinin böyük hissəsini təşkil edən köhnə avtomobillərin ölkəyə gətirilməsini məhdudlaşdırır.

Hesabat dövründə Gürcüstandan Azərbaycana 8,84 milyon dollar dəyərində 1,32 min yük avtomobili idxal edilib ki, bu da ötən ilin analoji dövründə qeydə alınan göstəricidən cüzi aşağıdır. Müqayisə üçün qeyd edək ki, 2013-cü ilin yanvar-may aylarında Gürcüstandan Azərbaycana 9,65 milyon dollar dəyərində 1,4 min yük maşını idxal edilib.

Hesabat dövründə Gürcüstandan Azərbaycana ixrac edilmiş malların ümumi dəyəri 240,42 milyon dollar olub. Ötən ilin eyni dövrünə nisbətən Azərbaycana ixracat 10,38 faiz azalıb. Müqayisə üçün, ötən ilin ilk 5 ayında Azərbaycana 268,26 milyon dollar dəyərində Gürcüstan malı ixrac edilib.

Avtomobillər Gürcüstana xaricdən gətirilir.

 

Digər xəbərlər

BİZİM FACEBOOK SƏHİFƏMİZ

XƏBƏR LENTİ

   

BİZ SƏLƏFİLƏR KİMİK?

📅1 Fevral, 2018🕔17:3030. 465 dəfə baxılıb

BİZİ TWİTTER-DA İZLƏYİN