Sələf Xəbər


İQTİSADİYYAT VƏ MALİYYƏ, SON XƏBƏRLƏR

 Son Xəbərlər

Azərbaycanda da benzin ucuzlaşacaqmı?

Avqust 27
17:18 2015

Dünya bazarında xam neft ucuzlaşdıqca, benzinin də qiyməti aşağı düşür.

“Sələf Xəbər” Avropa.infoya istinadən xəbər verir ki, hətta SOCAR-ın Gürcüstan, Türkiyə, Rumıniya və digər ölkələrdə olan benzindoldurma məntəqələrində də ucuzlaşma var.

BƏS, AZƏRBAYCANDA BENZİNİN UCUZLAŞMASI GÖZLƏNİLİRMİ?

SOCAR-ın sözçücü Nizaməddin Quliyev deyir ki, qiymətlərin aşağı salınması ilə bağlı sual onlara yox, Tarif Şurasına verilməlidir:

“Gürcüstan, Ukrayna və digər ölkələrdə qiyməti bazar tənzimləyir. Azərbaycanda benzinin qiymətinin qaldırılması və ya aşağı salınmasına Tarif Şurası baxır. Ona görə də bu sual bizə yox, Tarif Şurasına verilməldir”.

SOCAR MÜRACİƏT ETMƏSƏ NECƏ QİYMƏT DƏYİŞƏ BİLƏR?

Tarif Şurasının sözçüsü Abbas Əliyev isə topu təzədən SOCAR-ın meydançasına göndərir.
Deyir ki, SOCAR Tarif Şurasına qiymətin ucuzlaşdırılması ilə bağlı müraciət etməlidir ki, Şura da bu məsələni müzakirəyə çıxarsın:

“Hansısa bir qiymətin dəyişdirilməsi ilə bağlı ilk öncə Tarif Şurasına müraciət olmalıdır. Müraciətdə qiymətin niyə dəyişdirilməsi əsaslandırılmalıdır. Tarif Şurası müraciəti müzakirəyə çıxarır və qərar qəbul edir. Tarif Şurasına bu haqda müraciət edilmədiyindən Şuranın gündəliyində neft məhsullarının qiymətinin dəyişdirilməsi ilə bağlı məsələ yoxdur”.

Tarif Şurası sonuncu dəfə Azərbaycanda neft məhsullarının qiymətinin dəyişdirilməsi ilə bağlı 2013-cü ilin dekabrında qərar verib. Həmin qərarla qiymətlər azı 30 faiz bahalaşıb.

SOCAR İSTEHSAL ETDİYİ BENZİNİ YALNIZ AZƏRBAYCANDA SATIR…

Neft Araşdırmaları Mərkəzinin rəhbəri İlham Şaban Azərbaycanda yaxın zamanda benzinin ucuzlaşmasını gözləmir:

“Baxmayaraq ki, dünya bazarında ötən bir ildə xam neftin qiyməti azı 50 faiz ucuzlaşıb. Amma bunun Azərbaycanda qiymətlərə təsir edəcəyini düşünmürəm. SOCAR Gürcüstan, Ukrayna və digər ölkələrdə satdığı avtomobil benzinini Azərbaycandan ixrac etmir. Elə həmin ölkələrdən benzini alır, bununla da həmin ölkənin oyunçusuna çevrilir. Rəqabətə uyğun işini qurur, qiymətləri də bazar müəyyənləşdirir. SOCAR öz istehsal etdiyi benzini yalnız daxili bazar üçün nəzərdə tutur. Təsəvvür edin, Azərbaycanda bir ilə 100 min avtomobil idxal olunur. Yəni Azərbaycanın özü böyük benzin istehlakçısıdır. Aİ 92-93 markalı benzinin az qala 100 faizi, Aİ 95, Aİ 98 markalı benzinin isə hardasa 80 faizi SOCAR-ın payına düşür. İqtisadiyyatı inhisar üzərində qurulan ölkələrdə qiymətləri bazar tənzimləmir”.

Xatırladaq ki, Azərbaycanda hazırda benzinin qiyməti aşağıdakı kimidir:

Dizel – 0.60 AZN
AI 92 – 0.70 AZN
AI 95 – 0.95 AZN
AI 98 – 1.18 AZN

Sələf Xəbər: Uca Allah buyurur: “Sizə verilən nemətlərin hamısı Allahdandır”. (Qurani-Kərim, “Nəhl” surəsi, 53-cü ayə)

Uca Allah, həmçinin buyurur: “Sonra, o gün nemətlər barəsində hökmən sorğu-suala tutulacaqsınız”. (Qurani-Kərim, “Təkasur” surəsi, 8-ci ayə)

Digər xəbərlər

BİZİM FACEBOOK SƏHİFƏMİZ

XƏBƏR LENTİ

   

BİZ SƏLƏFİLƏR KİMİK?

📅1 Fevral, 2018🕔17:3024. 571 dəfə baxılıb

BİZİ TWİTTER-DA İZLƏYİN