Bakıda avtomobil satışı dayandı – DOLLAR AJİOTAJI
1. 453 dəfə baxılıb
Bakıda 2-ci əl avtomobil bazarında satışlar tamamilə dayanıb.
Selefxeber.az-ın Fins.az-a istinadən məlumatına görə, əsas səbəb dolların yenidən bahalaşması və məzənnə ilə bağlı qeyri-sabit vəziyyət yaranmasıdır. Ekspertlərin sözlərinə görə, belə vəziyyətdə hamı gözləmə mövqeyində qalır və nəisə almağa tələsmir. Əllərində olan pulu dollara çevirib saxlayırlar. Nəticədə, bu avtomobil bazarına da təsir edir.
Ekspertlərin fikirlərini avtomobil bazarındakı satıcılar da təsdiqləyirlər. Badamdar avtomobil bazarından satıcıların sözlərinə görə, avqust ayının sonundan etibarən bazarda tamamilə səssizlikdir. Avtomobil alan ümumiyyyətlə yoxdur. Satıcı Aley Şamilov fins.az-a bildirib ki, avqust ayının sonunda barterlə olsa da, bazarda 4-5 avtomobil satmaq mümkün olmuşdu.
Məsələn, 1995-ci il model “Mercedes” avtomobilini üstündə 7 min manat ödəməklə 2004-cü ilin “Mercedes E Class”la barter etmişdilər.Və yaxud 2007-ci ilin “Pojero”sunu əlavə 3 min manat ödəməklə 2010-cu il model “Pojero” ilə dəyişmişdilər.Hazırda isə hamı dolların məzənnəsinin sabitləşməsini gözləyir. Ona görə, hələlik avtomobil satışı tam dayanıb.
Avtomobil almaq üçün ən əlverişli vaxtdır
Amma buna baxmayaraq indi avtomobil almaq üçün ən sərfəli vaxtdır. Belə ki, satışların olmadığı şəraitdə satıcılar qiymətdə daha çox endirimə razı olurlar. Satıcının sözlərinə görə, belə vəziyyətdə avtomobili qiymətindən aslı olaraq daha ucuz almaq olar.
Avtomobilləri 5 min dollara kimi endirimlə almaq olar
Qiyməti 10 min manata kimi olan avtomobilləri 1200-1500 manata kimi endirim edilir. Məsələn, hazırda 7500 manata satılan 2010-2011-ci il model “Priora” avtomobilini 5800-6000 manata almaq olar.
A.Şamilovun sözlərinə görə, hazırda qiyməti 15-20 min manata olan avtomobilləri isə danışığa əsasən qiymətini daha çox endirmək olar. Məsələn, 2009-cu ilin “Toyota RAV4” avtomobilinin qiyməti 20 min manatdırsa, eyni avtomobili 18 min manata almaq olar.
Dollarla satılan avtomobillərin qiymətlərində isə daha çox fərq yaranıb. Məsələn, 35 min dollar satılan 2014-cü il model “Toyota Prado”nu 30-31 min dollar almaq olar.
Dollar ikinci əl avtomobilləri bahaşaladıracaq
A.Şamilov bildirib ki, amma 2-ci avtomobil bazarında qiymətlər bu şəkildə davam etməyəcək:” Dollar bahalaşması ölkədə qiymətləri artıracaqsa, buna uyğun olaraq təzə avtomobillərlə yanaşı 2-ci əl avtomobillər də bahalaşacaq”.
Sələf Xəbər: Uca Allah buyurur: “Yer üzündə elə bir canlı yoxdur ki, onun ruzisini Allah verməsin. (Allah) onların qərar tutduqları yeri də, qorunub saxlanıldıqları yeri də bilir. (Bunların) hamısı açıq-aydın Yazıdadır (Lövhi-məhfuzdadır).” (Müqəddəs Quran, “Hud” surəsi, 6-cı ayə).
“Uca Allah yer üzündə yaşayan, istər insanlar və ya heyvanlar olsun, quruda və ya suda yaşayanlar olsun, bütün canlı məxluqlarını ruzi və maddi nemətlərlə təmin etməyi Öz öhdəsinə götürmüşdür. Onların hamısı ruzisini Allahdan alırlar. Ona məxluqlarının məskunlaşdığı və yaşadığı yerlər və həmçinin onların gedib-gəldikləri yerlər məlumdur. Onların yerdə yaşayışının bütün təfərrüatı Mühafizəolunan Lövhədə yazılmışdır. Onda səmalarda və yerdə baş verməli olacaq bütün hadisələrə aid biliklər öz əksini tapmışdır. Bütün bunlar əzəldən Allaha məlum idi və yazı qələmi ilə qeyd olunmuşdur. Allah istəmişdir ki, hər şey məhz olacağı kimi baş versin və hər bir məxluq ruzisini tam ala bilsin. Bu isə o deməkdir ki, məxluqların ürəkləri Rəbbə təvəkkül etməlidir, çünki O, onları maddi nemətlə təmin etməyi öhdəsinə götürmüş və onların barəsində hər şeyi və onların hər birinin keyfiyyətini bilir.” (Bax “Təfsir Əs-Saadi”)
