Bakının ən böyük metro stansiyası gələn il istifadəyə veriləcək
972 dəfə baxılıb
Bugun.az ANS TV-yə istinadən məlumatına görə, Metropolitenin yeni “Avtovağzal” stansiyasında tikinti işləri davam etdirilir. Bir neçə il bundan əvvəl başlayan inşaatın gələn il Azərbaycanda keçiriləcək Avropa Olimpiya Oyunlarına qədər başa çatdırılması planlaşdırılır.
“Avtovağzal” başqa stansiyalardan ilk növbədə fərqli dizaynı ilə seçiləcək. Bu, Bakının 7 giriş və çıxışı olan ən böyük stansiyası olacaq. Başqa bir yenilik isə stansiyada qatara 7 vaqonun qoşulması və qatarlarda xəbərdaredici siqnalizasiyanın quraşdırılması olacaq. Stansiya üçün gətiriləcək yeni vaqonlar genişliyi, rahatlığı, həmçinin soyuducu sisteminin olması ilə fərqlənəcək.
Bakı metropoliteninin mətbuat xidmətinin rəhbəri Nəsimi Paşayev bildirdi ki, stansiyanın tam yeni avadanlıqlarla təmin olunması üçün artıq xarici ölkələrlə müqavilələr imzalanıb.
