Riyadda Səudiyyə Ərəbistanı-Azərbaycan biznes forumu keçiriləcək
695 dəfə baxılıb
Azərbaycan nümayəndə heyətinin üzvləri yeni tərəfdaşlar tapmaq və işgüzar əlaqələr qurmaq imkanı əldə edəcəklər.
Cari ilin 7-9 dekabr tarixlərində Səudiyyə Ərəbistanının ər-Riyad şəhərində Səudiyyə Ərəbistanı-Azərbaycan biznes forumu keçiriləcək.
“Sələf Xəbər” “Report”a istinadən bildirir ki, Azərbaycanda İxracın və İnvestisiyaların Təşviqi Fondunun (AzPromo) verdiyi xəbərə görə, forumda iştirak etmək üçün Azərbaycanın biznes nümayəndə heyətinin Səudiyyə Ərəbistanına səfəri planlaşdırılır.
Biznes forumda hər iki ölkədən rəsmi şəxslər və iqtisadiyyatın müxtəlif sahələrində fəaliyyət göstərən sahibkarların iştirakı nəzərdə tutulur. Tədbir zamanı Azərbaycan nümayəndə heyətinin üzvləri ikitərəfli görüşlərdə özlərinə yeni tərəfdaşlar tapmaq və işgüzar əlaqələr qurmaq imkanı əldə edəcəklər.
Sələf Xəbər: Müsəlmanlara bütün xeyirli işlərində Allahdan müvəffəqiyyət diləyirik. Amin!
