Yeni sistem tıxaclar barədə sürücüləri məlumatlandıracaq
Avqust 14
16:43
2015
672 dəfə baxılıb
Azərbaycanda yollardakı tıxaclar barədə sürücüləri məlumatlandıran sistem işə salınıb.
“Sələf Xəbər” Trend-ə istinadən bildirir ki, bu barədə “SINAM” şirkətindən məlumat verilib.
Yeni metod “SINAM” şirkəti tərəfindən tətbiq olunur. Sistemdə yollardakı tıxaclar barədə məlumatı interaktiv şəkildə FM qəbuledicilərdə əks etdirmək üçün FM diapazonlu RDS (Radio Data System) kanaldan istifadə olunur.
İnternet və ya SMS vasitəsilə ötürülən GPS məlumat axını verilişindən fərqli olaraq, yeni metodda informasiya axını radiokanal vasitəsilə həyata keçiriləcək ki, buna da xərc lazım olmayacaq.
Bundan başqa, sistem “Yollar” naviqasiya xəritəsi ilə əlaqəlidir.
